രണ്ടാം വാർഡ് നാറോങ്‌ – ചോലേരിക്കുന്ന് റോഡ് ഉദ്ഘാടനം ചെയ്തു
കീഴുപറമ്പ്. അരീക്കോട് ബ്ലോക്ക് പഞ്ചായത്ത് 2022 – 23 വാർഷിക പദ്ധതിയിൽ ഉൾപ്പെടുത്തി അഞ്ചര ലക്ഷം രൂപ ചിലവഴിച്ച് ടാറിങ് പൂർത്തിയാക്കിയ കീഴുപറമ്പ് ഗ്രാമപഞ്ചായത്ത് രണ്ടാം വാർഡ് നാറോങ്‌ – ചോലേരിക്കുന്ന് റോഡ് അരീക്കോട് ബ്ലോക്ക് പഞ്ചായത്ത് പ്രസിഡന്റ് റുഖിയ ഷംസു ഉദ്ഘാടനം ചെയ്തു. ബ്ലോക്ക് പഞ്ചായത്ത് മെമ്പർ രത്നകുമാരി രാമകൃഷ്ണൻ അധ്യക്ഷത വഹിച്ച ചടങ്ങിൽ ജില്ലാ പഞ്ചായത്ത് മെമ്പർ റൈഹാനത്ത് കുറുമാടൻ, കീഴുപറമ്പ് ഗ്രാമപഞ്ചായത്ത് പ്രസിഡണ്ട് വി.പി സഫിയ എന്നിവർ മുഖ്യാതിഥികളായി. ബ്ലോക്ക് മെമ്പർ സുനീറ സമദ്, വാർഡ് മെമ്പർ കെ.വി റഫീഖ് ബാബു, എം.റഹ്മത്തുള്ള, എൻ.ശങ്കരൻ മാസ്റ്റർ, ടി. ശശി കുമാർ, അരവിന്ദാക്ഷൻ. എം, കെ.ടി മുഹമ്മദ് മാസ്റ്റർ, എന്നിവർ ആശംസകൾ നേർന്നു. സുരേന്ദ്രൻ അഞ്ഞങ്ങാട് സ്വാഗതവും, മുജീബ് നന്ദിയും പറഞ്ഞു.
