മരത്തിൽ കുരുങ്ങിയ നിലയിൽ മൃതദേഹം; ചൂരൽമല ഉരുൾപൊട്ടലിൽ പെട്ടതാണെന്ന് സംശയം
കൽപ്പറ്റ: വയനാട് പരപ്പൻപാറയിൽ മരത്തിൽ കുരുങ്ങിയ നിലയിൽ മൃതദേഹാവശിഷ്ടം കണ്ടെത്തി. ചൂരൽമല ഉരുൾപൊട്ടലിൽ ജീവൻ നഷ്ടപ്പെട്ടയാളുടേതാണെന്നാണ് സൂചന. മൂപൈനാട് പഞ്ചായത്തിലെ പരപ്പൻപാറയിൽ മൃതദേഹം കണ്ടെത്തിയതായി ഫയർഫോഴ്സ് സംഘമാണ് റിപ്പോർട്ട് ചെയ്തത്.
കഴിഞ്ഞ ജൂലൈ 31-ന് പുലര്‍ച്ചെയായിരുന്നു വയനാട്ടിലെ മുണ്ടക്കൈയിലും ചൂരല്‍മലയിലും വന്‍ ഉരുള്‍പൊട്ടലുണ്ടായത്. രണ്ട് ഗ്രാമത്തെ പൂർണമായും തകർത്ത ദുരന്തത്തില്‍ ഇരുന്നൂറിലേറെ പേരാണ് കൊല്ലപ്പെട്ടത്. ഇനിയും നിരവധി പേരെ കണ്ടെത്താനുണ്ട്. പലരുടേയും ശരീര ഭാഗങ്ങള്‍ മാത്രമാണ് കണ്ടെത്തിയത്.
മുണ്ടക്കൈയിലേത് സമാനതകളില്ലാത്ത ദുരന്തമെന്നായിരുന്നു മുഖ്യമന്ത്രി പിണറായി വിജയൻ പറഞ്ഞത്.
