AEO ക്കെതിരെ ആരോപണവുമായി ALPS പഴയിടം
മഞ്ചേരി ഉപജില്ലാ വിദ്യാഭ്യാസ ഓഫീസറുടെ അനാസ്ഥമൂലം കുട്ടികളുടെ പഠനം താറുമാറായന്ന് ആരോപിച് എ. എൽ പി സ്കൂൾ പഴേയിടം. മഞ്ചേരി ഉപജില്ലാ വിദ്യാഭ്യാസ ഓഫീസർ സ്കൂൾ ഏറ്റെടുത്ത് 14ദിവസം കഴിഞ്ഞിട്ടും ഒരാളെയും നിയമിക്കാത്തതിൽ അടിയന്തരമായി പി. ടി.എ എക്സിക്യൂട്ടീവ് ചേരുകയും കഴിഞ്ഞ ശനിയാഴ്ച (07/10/23) പി. ടി. എ എക്സിക്യൂട്ടീവ് അംഗങ്ങൾ മഞ്ചേരി ഉപജില്ലാ വിദ്യാഭ്യാസ ഓഫീസറെ നേരിൽ സന്ദർശിക്കുകയും ചെയ്തിരുന്നു. എന്നാൽ അധ്യാപകരില്ലാത്ത വിഷയം പരിഹരിക്കുന്നതിന് ആവശ്യമായ ഒരു സംസാരവും AEO യുടെ ഭാഗത്തുനിന്നുണ്ടായില്ലന്ന് ബന്ധപെട്ടവർ പറഞ്ഞു. തുടർന്ന് കഴിഞ്ഞ തിങ്കളാഴ്ച പി. ടി. എ പ്രതിനിധികളും, രക്ഷിതാക്കളും, വിദ്യാർത്ഥികളും, ജനപ്രതിനിധികളും സംയുക്തമായി വീണ്ടും മഞ്ചേരി ഉപജില്ലാ വിദ്യാഭ്യാസ ഓഫീസിൽ എത്തുകയും, മഞ്ചേരി ഉപജില്ലാ വിദ്യാഭ്യാസ ഓഫീസർക്ക് നിവേദനം സമർപ്പിക്കുകയും ചെയ്തു. സ്കൂളിന്റെ പ്രവർത്തനങ്ങൾക്ക് AEO തടസ്സം നിൽക്കുകയാണന്ന് അധികൃതർ ഫേസ്ബുക് പോസ്റ്റിലൂടെ അറിയിച്ചു.
