ഒമാനിൽ ഇന്നും മഴക്ക് സാധ്യത; മുന്നറിയിപ്പുമായി കാലാവസ്ഥാ നിരീക്ഷണ കേന്ദ്രം

ഒമാനിലെ മിക്ക ഗവർണറേറ്റുകളും ഭാഗികമായി മേഘാവൃതമാണെന്നും മിന്നൽ പ്രളയത്തിന് ഇടയാകുന്ന തരത്തിൽ ഇടിമിന്നലിനും മഴക്കും സാധ്യതയുണ്ടെന്നും സിവിൽ ഏവിയേഷൻ അതോറിറ്റി എക്‌സിൽ അറിയിച്ചു. (Chance of rain in Oman today; Meteorological Center with warning)നോർത്ത് ബാത്തിന, സൗത്ത് ബാത്തിന, അൽബുറൈമി, ദാഹിറ, ദാഖിലിയ, മസ്‌കത്ത്, നോർത്ത് ഷർഖിയ, സൗത്ത് ഷർഖിയ എന്നിവിടങ്ങളിലെ പർവതപ്രദേശങ്ങളിലും അൽ വുസ്തയുടെയും ദോഫറിന്റെയും വിവിധ ഭാഗങ്ങളിലുമാണ് മഴക്കും ഇടിമിന്നലിനും സാധ്യത. ദാഖിലിയ, ദാഹിറ, ദോഫർ എന്നിവിടങ്ങളിലും ഒമാൻ കടലിന്റെ തീരപ്രദേശങ്ങളിലും താഴ്ന്ന മേഘങ്ങൾക്കും മൂടൽമഞ്ഞിനും സാധ്യതയുണ്ടെന്നും അധികൃതർ അറിയിച്ചു. ഇടിമിന്നലോടെയുള്ള മഴയും മൂടൽ മഞ്ഞും കാരണം കാഴ്ച കുറഞ്ഞേക്കുമെന്നും മുന്നറിയിപ്പ് നൽകി.