കൊണ്ടോട്ടി സബ് ജില്ല ഫുട്ബോൾ ചാമ്പ്യൻഷിപ്പ്; വാഴക്കാട് ജി എച്ച്.എസ്.എസ് ചാമ്പ്യൻസ്

മൊറയൂർ വി.എച്ച്.എം എച്ച്.എസ്. എസ് ഗ്രൗണ്ടിൽ വെച്ച് നടന്ന കൊണ്ടോട്ടി സബ്ജില്ലാ സബ് ജൂനിയർ ഫുട്ബോൾ ചാമ്പ്യൻഷിപ്പിൽ വാഴക്കാട് ഗവ: ഹയർ സെക്കണ്ടറി സ്കൂൾ ചാമ്പ്യൻമാരായി. സബ് ജില്ലയിലെ 30 സ്കൂൾ ടീമുകൾ പങ്കെടുത്ത ടൂർണമെന്റിൽ ഫൈനലിൽ ഇഎം.ഇ എ ഹയർ സെക്കണ്ടറി സ്കൂൾ കൊണ്ടോട്ടിയെ ഏകപക്ഷീയമായ ഒരു ഗോളിന് പരാജയപെടുത്തിയാണ് ജി. എച്ച് എസ്.എസ്. വാഴക്കാട് ജേതാക്കളായത്. കായികാധ്യാപകൻ ജാബിർ മാസ്റ്റർ, കോച്ച് അഷ്‌കർ വാഴക്കാട് എന്നിവരുടെ ശിക്ഷണത്തിലാണ് ടീം മത്സരത്തിന് ഇറങ്ങിയത്.