പാലക്കാട്ട് മൂന്ന് വയസുവയസുകാരിക്ക് ക്രൂരപീഡനം
പാലക്കാട്: നടുപ്പുണ്ണിയില്‍ മൂന്ന് വയസ്സുകാരിക്ക് നേരെ ലൈംഗികാതിക്രമം. വഴിയരികിൽ മാതാപിതാക്കൾക്കൊപ്പം കിടന്നുറങ്ങുകയായിരുന്ന കുഞ്ഞിന് നേരെയായിരുന്നു ആക്രമണം. ബുധനാഴ്ച പുലർച്ചെ 5.30-നാണ് സംഭവം. സംഭവത്തില്‍ വില്ലൂന്നി സ്വദേശിയായ കന്തസ്വാമി(77) പിടിയിയിലായി.
മാതാപിതാക്കളുടെ അടുത്ത് നിന്നും 50 മീറ്റർ ദൂരത്തേക്ക് കുഞ്ഞിനെ വലിച്ചുകൊണ്ടുപോയതിന് ശേഷമാണ് ഇയാൾ ആക്രമിക്കാൻ ശ്രമിച്ചത്. എന്നാൽ, കുട്ടി കരഞ്ഞതോടെ മാതാപിതാക്കളും ശ്രദ്ധിക്കുകയായിരുന്നു.
ശബ്ദം കേട്ട് നാട്ടുകാർ കൂടെ കൂടിയതോടെ ഇയാളെ പിടികൂടി പോലീസിൽ ഏൽപ്പിക്കുകയായിരുന്നു. കുഞ്ഞ് നിലവില്‍ പാലക്കാട് ജില്ലാ ആശുപത്രിയില്‍ ചികിത്സയിലാണ്. ഗുരുതരമായ പരിക്കുകൾ കുട്ടിയ്ക്കില്ലെന്നാണ് വിവരം.
