SMAM രജിസ്ട്രേഷൻ ക്യാമ്പ് സംഘടിപ്പിച്ചു

കീഴുപറമ്പ് കുടുംബശ്രീ സി. ഡി. എസും കൃഷി ഭവനും സംയുക്തമായി കാർഷിക യന്ത്ര വൽകരണ ഉപദൗത്യം പദ്ധതി പ്രകാരം കർഷകർക്കും ഗ്രൂപ്പുകൾക്കും കൃഷി ആവിശ്യത്തിനുള്ള യന്ത്രങ്ങൾ സബ്‌സിഡി നിരക്കിൽ വാങ്ങുന്നതിനുള്ള രജിസ്ട്രഷൻ ക്യാമ്പ് ഇന്നലെ 05/09/2023 ന് രാവിലെ 10.30 ന് കൃഷിഭവനിൽ വെച്ച് നടന്നു. കീഴുപറമ്പ് ഗ്രാമ പഞ്ചായത്ത് വൈസ് പ്രസിഡൻ്റ് പി.പി.എ റഹ്മാൻ ഷാഹിന എന്ന അംഗത്തിന് നൽകി കൊണ്ട് രജിസ്ട്രേഷൻ ക്യാമ്പ് ഉദ്ഘാടനംചെയ്തു. സി.ഡി.എസ് ചെയർപെഴ്സൺ പി.പി റംലാബീഗം അദ്ധ്യക്ഷത വഹിച്ചു. ആരോഗ്യ വിദ്യാഭ്യാസ സ്റ്റാൻറിങ്ങ് കമ്മിറ്റി ചെയർപെഴ്സൺ ജംഷീറ ബാനു, ഗ്രാമ പഞ്ചായത്ത് മെമ്പർ വിജയലക്ഷ്മി ജീവ ആർ.പി സുലൈഖ സി.ഡി എസ് മെമ്പർ സെക്കീന എന്നിവർ ആശംസകൾ അർപ്പിച്ചു. രജിസ്ട്രഷൻ ക്യാമ്പിൽ നൂറോളം കർഷകരും ജെ. എൽ.ജി.ഗ്രൂപ്പുകളും പങ്കെടുത്തു. ക്യാമ്പ് വളരെ ഫലപ്രദമായിരുന്നു. കൃഷി ഓഫിസർ ഷെബിൻ ടി.പി സ്വാഗതവും സി.ഡി.എസ് വൈസ്ചെയർ പേഴ്സൺ ആയിഷ വൈസി നന്ദിയും പറഞ്ഞു.