കിഴിശേരി ദേവി ക്ഷേത്രത്തിലെ നവരാത്രി ആഘോഷങ്ങൾക്ക് സമാപനമായി
കിഴിശേരി: ദേവി ക്ഷേത്രത്തിലെ നവരാത്രി ആഘോഷങ്ങൾക്ക് സമാപനമായി . തന്ത്രി കിഴക്കുമ്പാട് വാസുദേവൻ നമ്പൂതിരിപ്പാടും കാണിപ്പയ്യൂർ കൃഷ്ണൻ നമ്പൂതിരിപ്പാടും (മകൻ) ചേർന്ന ഭദ്ര ദീപം തെളിയിച്ചു. എഴുത്തിരുത്തൽ ചടങ്ങുകൾക്ക് ചെറുവക്കാട് വിഷ്ണു നമ്പൂതിരി മാസ്റ്ററും വിദ്യാരാജഗോപാല മന്ത്രാർച്ചനക്ക് കെ ആർ ഉമ ടീച്ചറും നേതൃത്വം നൽകി. ഒമ്പത് ദിവസങ്ങളിലും നവ ദുർഗാപൂജ യും ഉണ്ടായിരുന്നു. മാതൃസമിതി യുടെ നേതൃത്വത്തിൽ എന്നും വൈകിട്ട് ദേവി മാഹാത്മ്യം പാരായണം, ലളിതാ സഹസ്രനാമാർച്ചനയും അരങ്ങേറി. മഹാഗണപതി ഹോമം, ചുറ്റുവിളക്ക് തുടങ്ങി വിശേഷാൽ പൂജകളും ഉണ്ടായിരുനു.
ക്ഷേത്രം പ്രസിഡന്റ് ശ്രീധരൻ വാളശേരി, സെക്രട്ടറി ബാലകൃഷ്ണൻ പി ,ട്രഷാർ പെരവൻ, റോഷൻ, ഉണ്ണികൃഷ്ണൻ, ഗിരിധരൻ രാജഗോപാലൻ, ഉണ്ണികൃഷ്ണൻ , നാവുട്ടി എന്നിവർ നേതൃത്വം നൽകി.
