പ്രത്യേക സംഘം അന്വേഷണം ആരംഭിച്ചു; മൊഴിയെടുക്കൽ തുടരുന്നു

എറണാകുളം: സിനിമാ താരങ്ങൾക്കെതിരെയുള്ള ലൈം​ഗികാരോപണങ്ങളിൽ പൊലീസിന്റെ പ്രത്യേക അന്വേഷണ സംഘം അന്വേഷണം ആരംഭിച്ചു. ഇരയായ പെൺകുട്ടിയുടെ മൊഴി രേഖപ്പെടുത്തിയതായി ഡി.ഐ.ജി അജിതാ ബീ​ഗം പറഞ്ഞു. തങ്ങൾക്ക് ലഭിച്ച പരാതിയുടെ അടിസ്ഥാനത്തിലാണ് മൊഴിയെടുത്തതെന്നും മൊഴിയുടെ അടിസ്ഥാനത്തിൽ പരാതിയിൽ നടപടി സ്വീകരിക്കുമെന്നും ഡി.ഐ.ജി കൂട്ടിച്ചേർത്തു.

Also Read: സിനിമാ നയ രൂപീകരണ സമിതിയിൽ നിന്ന് എം. മുകേഷ് പുറത്തേക്ക്; രാജിവെക്കാൻ സിപിഐഎം നിർദേശം

സംഭവത്തിൽ നടിയുടെ മൊഴിയെടുക്കൽ തുടരുകയാണ്. ഏഴ് പരാതികളാണ് ഇവർ ഉന്നയിച്ചിട്ടുള്ളത്. മുകേഷ്, ജയസൂര്യ, ഇടവേള ബാബു തുടങ്ങിയ നടന്മാരടക്കമുള്ളവർക്കെതിരെയാണ് ഇവരുടെ പരാതി.

Also Read:നടൻ ജയസൂര്യക്കെതിരെ വീണ്ടും പരാതി; തിരുവനന്തപുരം സ്വദേശിനി പരാതി നൽകി

നടൻ സിദ്ദിഖിനെതിരായ പരാതിയിലും ഇരയുടെ മൊഴിയെടുക്കൽ തുടരുകയാണ്. യുവനടിയുടെ പരാതിയിൽ നടൻ സിദ്ദിഖിനെതിരെ കേസെടുത്തിരുന്നു. ലൈംഗിക പീഡനത്തിനും ഭീഷണിപ്പെടുത്തിയതിനും തിരുവനന്തപുരം മ്യൂസിയം പൊലീസ് ആണ് കേസെടുത്തത്. ഇന്നലെയാണ് നടി ഡിജിപിക്ക് പരാതി നൽകിയത്. 2016-ൽ തിരുവനന്തപുരത്തെ ഹോട്ടലിൽ വച്ച് പീഡിപ്പിച്ചെന്നാണ് നടിയുടെ പരാതി.