ഇടിവിന് ശേഷം വീണ്ടും കുതിപ്പ്; ഇന്നത്തെ സ്വര്ണവില അറിയാം
സംസ്ഥാനത്ത് ഇന്ന് വീണ്ടും സ്വര്ണവില ഉയര്ന്നു. ഇന്നലെ രണ്ട് തവണയായി ഇടിഞ്ഞ സ്വര്ണവിലയാണ് ഇന്ന് തിരിച്ചുകയറിയിരിക്കുന്നത്. ഒരു പവന് 640 രൂപയാണ് ഇന്ന് കൂടിയിരിക്കുന്നത്. ഇതോടെ ഒരു പവന് സ്വര്ണത്തിന് 95560 രൂപയായി. ഇന്ന് സ്വര്ണം ഗ്രാമിന് 80 രൂപയാണ് കൂടിയത്. ഒരു ഗ്രാം സ്വര്ണത്തിന് 11945 രൂപ എന്ന നിരക്കിലാണ് ഇന്നത്തെ സസ്വര്ണവ്യാപാരം പുരോഗമിക്കുന്നത്.
ലോകത്തെ ഏറ്റവും വലിയ സ്വര്ണ ഉപഭോക്താക്കളാണ് ഇന്ത്യ. ഓരോ വര്ഷവും ടണ് കണക്കിന് സ്വര്ണം രാജ്യത്ത് ഇറക്കുമതി ചെയ്യപ്പെടുന്നു. അതുകൊണ്ട് ആഗോള വിപണിയില് സംഭവിക്കുന്ന ചെറിയ ചലനങ്ങള് പോലും അടിസ്ഥാനപരമായി ഇന്ത്യയിലെ സ്വര്ണവിലയില് പ്രതിഫലിക്കും.
അതേസമയം, രാജ്യാന്തര വിപണിയില് സ്വര്ണത്തിന് വില കുറഞ്ഞാല് ഇന്ത്യയില് വില കുറയണമെന്ന് നിര്ബന്ധമില്ല. രൂപയുടെ മൂല്യം, പ്രാദേശികമായ ആവശ്യകത, ഇറക്കുമതി തീരുവ എന്നീ ഘടകങ്ങള് ഇന്ത്യയിലെ സ്വര്ണവില നിശ്ചയിക്കുന്നതില് പ്രധാന പങ്കുവഹിക്കും.
