ആഷിക്കിന് ഊർങ്ങാട്ടിരി ഗ്രാമപഞ്ചായത്ത് ഭരണസമിതി ബൂട്ടുകൾ സമ്മാനിച്ചു

സ്പെഷ്യൽ ഒളിമ്പിക്സ് ഭാരതും ഗോവ സ്പെഷ്യൽ ഒളിമ്പിക്സും ജനുവരിയിൽ ഗോവയിൽ വച്ച് നടക്കുന്നു. ഇതിന്റെ മുന്നോടിയായി കേരള ഫുട്ബോൾ ടീമിൽ സെലക്ഷന് പങ്കെടുക്കുന്ന ഊർങ്ങാട്ടിരി ഗ്രാമപഞ്ചായത്ത് ബഡ്സ് സ്കൂളിലെ ആഷിക്കിന് ഊർങ്ങാട്ടിരി ഗ്രാമപഞ്ചായത്ത് ഭരണസമിതി ഒരു ജോഡി
ബൂട്ടുകൾ സമ്മാനിച്ചു. ഭരണസമിതി വിജയാശംസകളും അറിയിച്ചു. പരിപാടിയിൽ ഊർങ്ങാട്ടിരി ഗ്രാമപഞ്ചായത്ത് പ്രസിഡണ്ട് ജിഷ സി, ഗ്രാമപഞ്ചായത്ത് വൈസ് പ്രസിഡണ്ട് ഷിജോ ആന്റണി, വിദ്യാഭ്യാസ സ്റ്റാൻഡിങ് കമ്മിറ്റി ചെയർ പേഴ്സൺ ഹസ്നത്ത് കുഞ്ഞാണി, ഗ്രാമപഞ്ചായത്ത് മെമ്പർമാരായ ജമീല, ഷിജിത, ഷബീർ മൂർക്കനാട്, അനൂപ് മൈത്ര, മനീഷ് വി, ലത്തീഫ് ചെമ്പകത്ത്, നാസർ പാലത്തിങ്ങൽ, അബ്ബാസ്, മുനീർ എം, എന്നിവർ പങ്കെടുത്തു.