പ്രതികൂല കാലാവസ്ഥ: ശനിയാഴ്ച രാത്രി സലാല വിമാനത്താവളത്തിൽ വിമാനങ്ങൾ വൈകി
സലാല: പ്രതികൂല കാലാവസ്ഥയെത്തുടർന്ന് സലാല അന്താരാഷ്ട്ര വിമാനത്താവളത്തിൽ ശനിയാഴ്ച രാത്രി വിവിധ വിമാന സർവീസുകൾ വൈകി. പ്രതികൂല കാലാവസ്ഥയെ തുടർന്ന് കാഴ്ചക്കുറവുണ്ടായതാണ് വിമാന സർവീസുകളെ ബാധിച്ചത്. രാത്രി 9.55-ന് മസ്‌കത്തിലേക്ക് പുറപ്പെടേണ്ടിയിരുന്ന സലാം എയർ (OV10) പുലർച്ചെ 12.26നാണ് പുറപ്പെട്ടത്. പിന്നീട്, ഒമാൻ എയർ വിമാനങ്ങളും (WY3902, WY3922, WY3912), ഖത്തർ എയർവേയ്സ് (QR1131) എന്നിവയെല്ലാം പുറപ്പെടാൻ വൈകി. വിമാനങ്ങൾ വൈകി എത്തിച്ചേർന്നതാണ് അവ പുറപ്പെടുന്നത് വൈകാനിടയാക്കിയത്Flights
മസ്‌കത്തിൽ നിന്നുള്ള ഒമാൻ എയർ വിമാനം (WY302) വഴിതിരിച്ചുവിടേണ്ടിവന്നു, സലാം എയറും (OV107), ഖത്തർ എയർവേയ്സും (QR1130) വൈകിയെത്തി. ഒമാൻ എയറും (WY921) വഴിതിരിച്ചുവിട്ടു, WY3905 WY 3909, എന്നിവ വൈകി. രാത്രി 11.45 ന് ഫ്‌ളൈനാസ് കൃത്യസമയത്ത് എത്തിയതോടെ സാധാരണ നില പുനരാരംഭിച്ചു.
‘ പ്രതികൂല കാലാവസ്ഥ കാരണം സലാല അന്താരാഷ്ട്ര വിമാനത്താവളം താൽക്കാലികമായി അടച്ചതിനാൽ, സലാലയ്ക്കും മസ്‌കത്തിനും ഇടയിലുള്ള ഞങ്ങളുടെ ഷെഡ്യൂൾ ചെയ്ത എല്ലാ വിമാനങ്ങളും കാലതാമസം നേരിടുന്നു. ഞങ്ങളുടെ അതിഥികൾക്ക് ഉണ്ടായ അസൗകര്യത്തിൽ ക്ഷമ ചോദിക്കുന്നു, തടസ്സങ്ങൾ കുറയ്ക്കാൻ എല്ലാ ശ്രമങ്ങളും നടത്തുന്നു,’ ഒമാൻ എയർ ഇന്ന് പുലർച്ചെ പോസ്റ്റ് ചെയ്ത പ്രസ്താവനയിൽ പറഞ്ഞു.
പ്രാദേശിക സ്രോതസ്സുകൾ പ്രകാരം, സലാലയിലും മറ്റ് ദോഫാർ ഗവർണറേറ്റിലും ദൂരക്കാഴ്ച വളരെ കുറവായിരിക്കും, പ്രത്യേകിച്ച് രാത്രിയിലും അതിരാവിലെയും സമയങ്ങളിൽ മൂടൽമഞ്ഞ് കാരണം. ദോഫാർ ഗവർണറേറ്റിന്റെ തീരങ്ങളിലും അതിനോട് ചേർന്നുള്ള മലനിരകളിലും ഞായറാഴ്ചത്തെ അന്തരീക്ഷം ഭാഗികമായി മേഘാവൃതമായിരിക്കുമെന്നാണ് പ്രവചനം.
