ആവേശം അലതല്ലി ജിഎൽ പി സ്കൂളിലെ കായിക മേള.
തെഞ്ചേരി : ജിഎൽ പി സ്കൂൾ തെഞ്ചേരിയിൽ നടന്ന ഒളിമ്പിക് അത്ലറ്റിക് മീറ്റ് 2K23 കായിക മേള ആവേശത്തിന്റെ കൊടുമുടിയിലെത്തി. അത്യന്തം ആവേശകരമായ മത്സരത്തിൽ റെഡ് ഹൗസ് വിജയികളായി. മാർച്ച് പാസ്റ്റോടെ ആരംഭിച്ച മത്സരം വിദ്യാഭ്യാസ സ്റ്റാന്റിങ് കമ്മറ്റി ചെയർപേഴ്സൺ ഹസ്നത്ത് കുഞ്ഞാണി ഉദ്ഘാടനം നിർവ്വഹിച്ചു. മുഖ്യാതിയായി എത്തിയ കേരള പോലീസ് താരം ജുനൈസ് ബാബു മാർച്ച് പാസ്റ്റ് സല്യൂട്ട് സ്വീകരിച്ചു.
റെഡ്, ഗ്രീൻ, ബ്ലു , യെല്ലോ എന്നീ ഗ്രൂപ്പുകളായി തിരിഞ്ഞായിരുന്നു മത്സരം. ഓട്ടമത്സരം, സ്റ്റാൻഡിങ് ബ്രോഡ് ജമ്പ്, ലോങ് ജമ്പ്, റിലേ മത്സരങ്ങൾ എന്നിവ അരങ്ങേറി. അധ്യാപകരായ രഞ്ജിത്ത് ആഷിക് എന്നിവർ മത്സരം നിയന്ത്രിച്ചു. പ്രധാന അധ്യാപകൻ സജിമോൻ , മുത്തൂറ്റ് അക്കാദമി കോച്ച് സന്തോഷ് ബി.പി, മുൻ പിടിഎ പ്രസിഡന്റ് ഷറഫു എന്നിവർ ചേർന്ന് വിജയികൾക്കുള്ള ട്രോഫി സമ്മാനിച്ചു.
