‘ഇറാനോട് ഇന്ത്യ അനുഭാവം അറിയിച്ചു, ഇസ്രയേൽ ആക്രമണത്തെ അപലപിച്ചു’; എസ് ജയശങ്കറുമായി സംസാരിച്ച് ഇറാൻ വിദേശകാര്യ മന്ത്രി

ഇന്ത്യൻ വിദേശകാര്യമന്ത്രി എസ് ജയശങ്കറുമായി സംസാരിച്ച് ഇറാൻ വിദേശകാര്യ മന്ത്രി. എസ് ജയശങ്കറുമായി ഇറാൻ വിദേശകാര്യ മന്ത്രി ടെലഫോണിൽ സംസാരിച്ചു. ഇസ്രയേൽ ആക്രമണത്തെ ഇന്ത്യ അപലപിച്ചു. ഇറാനോട് ഇന്ത്യ അനുഭാവം അറിയിച്ചു.ഇന്ത്യയുടെ ഐക്യദാർണ്ഡ്യത്തിന് നന്ദിയെന്നും ഇറാൻ വിദേശകാര്യ മന്ത്രി അറിയിച്ചു.Jaishankar

“ഇസ്രയേൽ ഭരണകൂടത്തിന്റെ സമീപകാല ആക്രമണങ്ങളിൽ സാധാരണക്കാർക്ക് നാശനഷ്ടമുണ്ടായ സാഹചര്യത്തിൽ, ജയ്ശങ്കർ ഇറാൻ സർക്കാരിനോടും ജനങ്ങളോടും ഇന്ത്യൻ സർക്കാരിന്റെയും ജനങ്ങളുടെയും അനുഭാവം അറിയിച്ചു”.- ഇറാൻ വിദേശകാര്യ മന്ത്രാലയത്തിന്റെ എക്‌സിൽ കുറിച്ചു.

സംഘർഷം കുറയ്ക്കുന്നതിനുള്ള അന്താരാഷ്ട്ര ശ്രമങ്ങളുടെ പ്രാധാന്യം ജയ്ശങ്കർ ചൂണ്ടിക്കാട്ടി. സംഘർഷം ലഘൂകരിക്കുന്നതിനും സംഭാഷണത്തിനും അനുകൂലമായ ഇന്ത്യയുടെ നിലപാട് അദ്ദേഹം വ്യക്തമാക്കി. ഫ്രഞ്ച് വിദേശകാര്യ മന്ത്രിയുമായുള്ള തന്റെ മുൻ സംഭാഷണവും അദ്ദേഹം പരാമർശിച്ചു.

അതേസമയം ആക്രമണം തുടരുന്ന സാഹചര്യത്തിൽ ഇനി അമേരിക്കയുമായി ആണവ ചർച്ച ഉണ്ടാകില്ലെന്നും ഇറാൻ അറിയിച്ചു. അന്താരാഷ്ട്ര ആണവ ഊർജ ഏജൻസിക്കെതിരായ വിമർശനം ഇറാൻ അറിയിച്ചു.

ഐഎഇഎയുടെ പ്രമേയം ഇറാന്‍റെ ആണവ ഊർജം ശ്രമങ്ങളെ തകർക്കുന്ന സയണിസ്റ്റ് പദ്ധതികളോട് ചേര്‍ന്നുനിൽക്കുന്നതാണെന്നും ഇറാൻ അറിയിച്ചു. യൂറോപ്യൻ യൂണിയൻ നേതാക്കളുമായുള്ള ചര്‍ച്ചയിലും അയയാതെ തിരിച്ചടി തുടരുമെന്നാണ് ഇറാൻ വ്യക്തമാക്കിയത്.