ഉമ്മൻ ചാണ്ടി, ആര്യാടൻ മുഹമ്മദ് സ്നേഹ സ്മൃതി സംഘടിപ്പിച്ചു.

മഞ്ചേരി : ഉമ്മൻ ചാണ്ടിയെയും ആര്യാടൻ മുഹമ്മദിനെയും അനുസ്മരിച്ച് മഞ്ചേരി ബ്ലോക്ക് കോൺഗ്രസ്സ് കമ്മിറ്റി “സ്നേഹ സ്മൃതി” സംഘടിപ്പിച്ചു.
വന്ദേമാതരം, സ്മൃതി ഗീതാലാപനം, കവിതാശകലം, അനുസ്മരണം, അനുമോദനം എന്നീ വൈവിധ്യമാർന്ന പരിപാടികൾ കൊണ്ട് ചടങ്ങ് ശ്രദ്ധേയമായി.bമുൻ മന്ത്രി എ.പി അനിൽകുമാർ എം.എൽ.എ ഉദ്ഘാടനം ചെയ്തു. ബ്ലോക്ക് കോൺഗ്രസ്സ് കമ്മിറ്റി പ്രസിഡന്റ് ഹുസ്സൈൻ വല്ലാഞ്ചിറ അദ്ധ്യക്ഷത വഹിച്ചു. ഡി.സി.സി. പ്രസിഡന്റ് അഡ്വ.വി.എസ്. ജോയ് മുഖ്യ പ്രഭാഷണം നടത്തി. ചടങ്ങിൽ ഇരു നേതാക്കൾക്കും ഒപ്പം രണ്ട് പതിറ്റാണ്ടിലേറെ കാലം നിയമസഭാ സാമാജികനായിരുന്ന മുൻ മഞ്ചേരി എം.എൽ.എ ഇസ്ഹാക്ക് കുരിക്കളെ പൊന്നാട ചാർത്തി പുരസ്ക്കാരം നൽകിയും , ഉമ്മൻ ചാണ്ടിയെ ക്കുറിച്ച് സ്മൃതി ഗീതമാലപിച്ച് സമൂഹ മാധ്യമങ്ങളിൽ തരംഗമായ ഷാഹിദ് വെള്ളുവങ്ങാടിന് ഉപഹാരം നൽകിയും ചടങ്ങ് ആദരിച്ചു. കെ.പി.സി.സി. മെമ്പർ റഷീദ് പറമ്പൻ , ഡി.സി.സി. ജനറൽ സെക്രട്ടറി അസീസ് ചീരാൻ തൊടി , ഐ.എൻ.ടി.യു.സി. ജില്ലാ പ്രസിഡന്റ് വി.പി. ഫിറോസ് , കെ.എസ്.യു. ജില്ലാ പ്രസിഡന്റ് ഇ.കെ. അൻഷിദ്, മുതിർന്ന നേതാവ് ടി.പി. വിജയകുമാർ (കവിതാലാപനം), ഹനീഫ മേച്ചേരി, സുബൈർ വീമ്പൂർ, ടി.പി. ഉസ്മാൻ, വി.സി.നാരായണൻ കുട്ടി, പി.ഷംസുദ്ദീൻ, നാണിപ്പ പാലക്കുളം, കെ യൂസുഫ്, സി. സക്കീന, സംസാരിച്ചു.