സംസ്ഥാന സ്കൂൾ ശാസ്ത്ര മേള: വാഴക്കാട് IHRD ടെക്നിക്കൽ ഹയർസെക്കൻഡറി സ്കൂളിലെ എ.പി ശ്രാവൺന് ഒന്നാം സ്ഥാനം
തിരുവനന്തപുരത്ത് നടക്കുന്ന സംസ്ഥാന സ്കൂൾ ശാസ്ത്ര മേളയിൽ വർക്ക് എക്സ്പീരിയൻസ് വിഭാഗത്തിൽ (ബാംബു പ്രോഡക്റ്റ്സ് ) വാഴക്കാട് IHRD ടെക്നിക്കൽ ഹയർ സെക്കൻഡറി സ്കൂളിലെ ശ്രാവൺ എ.പി
A ഗ്രേഡോടെ ഒന്നാം സ്ഥാനം നേടി സ്കൂളിന്റെ അഭിമാനമായി. തുടർച്ചയായി രണ്ടാം തവണയാണ് സംസ്ഥാന ശാസ്ത്ര മേളയിൽ( HSS) ശ്രാവൺ പങ്കെടുക്കുന്നത്.
വാഴക്കാട് ടെക്നിക്കൽ ഹയർസെക്കൻഡറി സ്കൂൾ പ്ലസ് ടു ഫിസിക്കൽ സയൻസ് വിദ്യാർത്ഥിയാണ് ശ്രാവൺ. നിരവധി സംസ്ഥാന – ജില്ലാ തല മത്സരങ്ങളിൽ പങ്കെടുത്ത് ഇതിന് മുൻപും നിരവധി സമ്മാനങ്ങൾ ശ്രാവൺ നേടിയിട്ടുണ്ട്.
പൂവാട്ടുപറമ്പ് ഐശ്വര്യ ഹൗസിൽ പ്രമോദിന്റെയും അഭിനയുടെയും മകനാണ് ശ്രാവൺ
