പാചകപ്പുര ഉദ്ഘാടനം ചെയ്തു.

കാവനൂർ തവരാപറമ്പ് ജി എൽ പി സ്കൂളിൽ കാവനൂർ ഗ്രാമ പഞ്ചായത്ത് MGNREGS പദ്ധതിയിൽ ഉൾപ്പെടുത്തി 17 ലക്ഷം രൂപ ചിലവഴിച്ചു നിർമിച്ച ആധുനിക രീതിയിൽ ഉള്ള പാചകപ്പുര കാവനൂർ ഗ്രാമ പഞ്ചായത്ത് പ്രസിഡന്റ്‌ പി വി ഉസ്മാൻ ഉദ്ഘാടനം നിർവഹിച്ചു. (The kitchen was inaugurated.)

വാർഡ് മെമ്പർ ഫൗസിയ സിദ്ധീഖ് അധ്യക്ഷത വഹിച്ച ചടങ്ങിൽ ബ്ലോക്ക്‌ മെമ്പർ ഇ പി മുജീബ്, പഞ്ചായത്ത് സ്ഥിരം സമിതി അധ്യക്ഷന്മാരായ കെ പി സൈഫുദ്ധീൻ, പി പി ഇബ്രാഹിം മാസ്റ്റർ, മെമ്പർമാരായ ഷൈനി രാജൻ, സുബൈദ, പി ടി എ പ്രസിഡന്റ്‌ ടി കെ അഷ്‌റഫ്‌, വൈസ് പ്രസിഡന്റ്‌ സി പി സിദ്ധീഖ്, എൻ മമ്മദ്കുട്ടി ഹാജി, കെ അലവി ഹാജി, ടി ഉമ്മർ, പി എം മൊയ്‌തീൻ കുട്ടി, ഗ്രാമീണ തൊഴിലുറപ്പ് വിഭാഗം എഞ്ചിനീയർ ഹാരിസ്, ഓവർസിയർ നിഹ്മത്തുള്ള, പി ടി എ, എം ടി എ, എസ് എം, സി ഭാരവാഹികൾ, രക്ഷിതാക്കൾ പങ്കെടുത്തു. സ്കൂൾ പാചകപ്പുരയിലേക്കുള്ള ഫാൻ ആലുങ്ങപറമ്പ് ലക്കിസ്റ്റാർ ക്ലബ്‌ ഭാരവാഹികൾ പ്രധാനാധ്യാപകന് കൈമാറി.