‘ഇതാണ്​ പ്രതിരോധവും അധിനിവേശവും തമ്മിലെ വ്യത്യാസം’; ജനങ്ങൾക്ക്​​ നന്ദി പറഞ്ഞ്​ ഹമാസ്​

ഗസ്സ സിറ്റി: വെടിനിർത്തൽ കരാറി​െൻറ അടിസ്​ഥാനത്തിൽ ഫലസ്​തീൻ തടവുകാരെ ഇസ്രായേൽ വിട്ടയച്ചതിന്​ പിന്നാലെ പ്രസ്​താവനയിറക്കി ഹമാസ്​. അധിനിവേശ ജയിലുകളിൽനിന്ന്​ നമ്മുടെ സ്​ത്രീ-പുരുഷ തടവുകാരുടെ ആദ്യ സംഘത്തെ മോചിപ്പിച്ചതിന്​ നമ്മുടെ ജനങ്ങളെയും നമ്മുടെ രാജ്യത്തെയും ലോകത്തെ സ്വതന്ത്രരായ ജനങ്ങളെയും ഞങ്ങൾ അഭിനന്ദിക്കുന്നുവെന്ന്​ പ്രസ്​താവനയിൽ വ്യക്​തമാക്കി.Hamas

തടവുകാരെ സ്വീകരിക്കുമ്പോൾ വിജയചിഹ്നം ഉയർത്തുകയും ആഹ്ലാദിക്കുകയും ചെയ്യുന്ന ജനങ്ങൾ ചെറുത്തുനിൽപ്പിനുള്ള ജനപിന്തുണ ഒരിക്കൽക്കൂടി ഉറപ്പിക്കുകയും അവരുടെ മനസ്സി​ൽ അതി​െൻറ ഉറച്ച സ്ഥാനം ഉയർത്തിക്കാട്ടുകയും ചെയ്യുന്നു. അധിനിവേശത്തി​െൻറ അടിച്ചമർത്തൽ നടപടികൾ അവഗണിച്ച് മോചിതരായ തടവുകാരെ സ്വീകരിക്കാൻ വന്ന നമ്മുടെ ജനങ്ങളുടെ വൻ ജനക്കൂട്ടം, അധിനിവേശത്തിനെതിരായ എതിർപ്പി​െൻറ പ്രഖ്യാപനവും അവരുടെ സ്വാതന്ത്ര്യത്തിനും ഭൂമിയുടെയും പുണ്യസ്ഥലങ്ങളുടെയും മോചനത്തിനായുള്ള ദാഹത്തി​െൻറ പ്രകടനവുമാണ്.

ഹമാസ്​ കൈമാറിയ മൂന്ന്​ ബന്ദികളും ശാരീരികവും മാനസികവുമായി പൂർണ ആരോഗ്യവാൻമാരാണെന്ന്​ ചിത്രങ്ങൾ കാണിക്കുന്നുണ്ട്​. എന്നാൽ, ഇസ്രായേൽ മോചിപ്പിച്ച സ്​ത്രീ-പുരുഷ തടവുകാർ അവഗണനയുടെയും ക്ഷീണത്തി​െൻറ ലക്ഷണങ്ങളാണ്​ കാണിക്കുന്നത്​. പ്രതിരോധ ശക്​തികളുടെ മൂല്യങ്ങളും ധാർമ്മികതയും അധിനിവേശത്തി​െൻറ പ്രാകൃതത്വവും ഫാസിസവും തമ്മിലുള്ള വലിയ വ്യത്യാസമാണ്​ ഇത്​ കാണിക്കുന്നത്​. ഗസ്സയിലെ നമ്മുടെ മഹത്തായ വ്യക്തികളുടെ ത്യാഗങ്ങൾക്കും വിജയകരമായ ചെറുത്തുനിൽപ്പിനുമുള്ള ആദരവോടെയും വിലമതിപ്പോടെയും ഈ ചരിത്ര നിമിഷങ്ങളിൽ ഞങ്ങൾ നിലകൊള്ളുന്നുവെന്നും പ്രസ്​താവനയിൽ കൂട്ടിച്ചേർത്തു.