ഇന്നും നാളെയും ജനശതാബ്ദി അടക്കം ട്രെയിനുകൾ റദ്ദാക്കി
തിരുവനന്തപുരം: തൃശൂരിൽ പാളത്തിൽ അറ്റകുറ്റപ്പണിയെ തുടർന്ന് സംസ്ഥാനത്തെ ട്രെയിൻ ഗതാഗതത്തിൽ ഇന്നും നാളെയും നിയയന്ത്രണം ഏര്‍പ്പെടുത്തി. ജനശതാബ്ദി അടക്കം ഇന്ന് സര്‍വ്വീസ് നടത്തേണ്ട മൂന്ന് ട്രെയിനുകളും നാളത്തെ ഒരു ജനശതാബ്ദിയും റദ്ദാക്കി. ഇന്ന് സര്‍വ്വീസ് നടത്തേണ്ട മൂന്ന് ട്രെയിനുകളും ഭാഗീകമായി റദ്ദാക്കി.
പൂർണമായി റദ്ദാക്കിയവ
ഞായർ ഉച്ചക്ക് 2.50നുള്ള 12082 തിരുവനന്തപുരം-കണ്ണൂർ ജനശതാബ്ദി
ഞായറാഴ്ച വൈകീട്ട് 5.35നുള്ള 6018 എറണാകുളം-ഷൊർണൂർ മെമു
ഞായറാഴ്ച രാത്രി 7.40നുള്ള 6448 എറണാകുളം-ഗുരുവായൂർ എക്സ്പ്രസ്
തിങ്കളാഴ്ച പുലര്‍ച്ച 4.50നുള്ള 12081 കണ്ണൂർ-തിരുവനന്തപുരം ജനശതാബ്ദി
ഭാഗികമായി റദ്ദാക്കിയവ
ഞായറാഴ്ച ഉച്ചക്ക് 2.50നുള്ള 16306 നമ്പർ കണ്ണൂർ-എറണാകുളം എക്സ്പ്രസ് തൃശൂരിൽ യാത്ര അവസാനിപ്പിക്കും. ഞായറാഴ്ച വൈകീട്ട് മൂന്നിന് തിരുവനന്തപുരത്തുനിന്നുള്ള 12624 നമ്പർ ചെന്നൈ ട്രെയിൻ തൃശൂരിൽനിന്ന് രാത്രി 8.43ന് പുറപ്പെടും. ഞായറാഴ്ച 10.10ന് കന്യാകുമാരിയിൽനിന്ന് പുറപ്പെടേണ്ട 16525 നമ്പർ കന്യാകുമാരി-ബംഗളൂരു ട്രെയിൻ രണ്ട് മണിക്കൂർ വൈകും. ആലപ്പുഴയിൽനിന്ന് രാവിലെ ആറിന് ദൻബാദിലേക്ക് പോകുന്ന ആലപ്പുഴ ദൻബാദ് എകസ്പ്രസ് (13352) ഒന്നര മണിക്കൂർ വൈകി പുറപ്പെടും.
ട്രെയിനുകൾ റദ്ദാക്കിയ സാഹചര്യത്തിൽ പകരം കൂടുതൽ ബസ് സർവിസ് ഏർപ്പെടുത്തിയതായി കെ.എസ്.ആർ.ടി.സി അറിയിച്ചു. ജനശതാബ്ദി യാത്രക്കാര്‍ക്ക് ഉപകാരപ്രദമായ രീതിയിൽ തിരുവനന്തപുരത്തുനിന്ന് എറണാകുളം, കോഴിക്കോട്, കണ്ണൂർ ഭാഗത്തേക്ക് കൂടുതൽ സർവിസ് നടത്തും. ടിക്കറ്റുകൾ online.keralartc.com ൽ ബുക്ക് ചെയ്യാം.
