പുനർജനി കേസിൽ വി.ഡി സതീശനെതിരെ തെളിവില്ലെന്ന് വിജിലൻസ്
തിരുവനന്തപുരം: പുനര്ജനി കേസില് പ്രതിപക്ഷ നേതാവ് വി.ഡി. സതീശനെതിരെ തെളിവില്ലെന്ന് വിജിലന്സ് റിപ്പോര്ട്ട്. 2025 സെപ്റ്റംബര് 19ന് നല്കിയ റിപ്പോര്ട്ടാണ് ഇപ്പോള് പുറത്തുവന്നത്.
വി.ഡി. സതീശന്റെ അക്കൗണ്ടിലേക്ക് പണം വന്നതായി കണ്ടെത്തിയില്ലെന്നും അദ്ദേഹം ഫണ്ട് കൈകാര്യം ചെയ്തതായി തെളിവില്ലെന്നും റിപ്പോര്ട്ട് പറയുന്നു. അഴിമതി നിരോധന നിയമപ്രകാരമുള്ള കുറ്റം ചെയ്തിട്ടില്ലെന്നും റിപ്പോര്ട്ട് വ്യക്തമാക്കുന്നു.
ക്ലീന് ചിറ്റ് നല്കിയ റിപ്പോര്ട്ട് വരും മുന്പാണ് വിജിലന്സ് സി.ബി.ഐ അന്വേഷണത്തിന് ശിപാര്ശ നല്കിയിരുന്നത്.
