ചെമ്രക്കാട്ടൂർ ജി എൽ പി സ്കൂൾ വിജയാഹ്ലാദ ഘോഷയാത്ര നടത്തി

അരീക്കോട് ഉപജില്ല സ്കൂൾ കലോത്സവത്തിൽ എൽ പി വിഭാഗം ഓവറോൾ മൂന്നാം സ്ഥാനം നേടിയ ജി എൽ പി സ്കൂൾ ചെമ്രക്കാട്ടൂർ വിജയാഹ്ലാദ ഘോഷയാത്ര നടത്തി. ഉപജില്ലയിലെ 52 സ്കൂളുകളോട് മത്സരിച്ചാണ് സ്കൂൾ ഈ നേട്ടത്തിൻ ഉടമയായത്. ഉപജില്ലാ കലാമേളയിലെ മൂന്നാം സ്ഥാനത്തിന് പുറമെ അരീക്കോട് പഞ്ചായത്ത് കലാമേളയിൽ ഓവറോൾ ഒന്നാം സ്ഥാനം ഉപജില്ല ശാസ്ത്രമേള സോഷ്യൽ സയൻസ് മേള ഗണിതശാസ്ത്രമേള എന്നിവയിൽ ഓവറോൾ മൂന്നാം സ്ഥാനം, അറബിക് കലാമേള നാലാം സ്ഥാനം എന്നിവയും നേടിയിട്ടുണ്ട്. ഹെഡ്മാസ്റ്റർ ഇൻ ചാർജ് കെ. സതീഷ് , പിടിഎ പ്രസിഡന്റ് ഷഫീഖ് മാനു , റഊഫ് റഹ്മാൻ, പിടിഎ ഭാരവാഹികളായ മുസ്തഫ വെള്ളേരി, സോഫിയ, ബാലസുബ്രഹ്മണ്യൻഎന്നിവർ സംസാരിച്ചു. (Chemrakattur GLP School)