വിരാട് കോലി; കഴിഞ്ഞ 25 വർഷത്തിനിടെ ഗൂഗിളിൽ ഏറ്റവും കൂടുതൽ തിരഞ്ഞ ക്രിക്കറ്റ് താരം

റെക്കോർഡുകൾ തകർത്ത് മുന്നേറുന്ന വിരാട് കോഹ്ലി ഇപ്പോൾ മറ്റൊരു റെക്കോർഡ് കൂടി സ്വന്തമാക്കിയിരിക്കുകയാണ്. കഴിഞ്ഞ 25 വർഷത്തിനിടെ ഗൂഗിളിൽ ഏറ്റവുമധികം തിരഞ്ഞ ക്രിക്കറ്റ് താരമാണ് വിരാട് കോഹ്‌ലിയെന്ന് പുതിയ വിവരങ്ങൾ. 25 വർഷത്തെ ചരിത്രത്തിലെ ഏറ്റവും ജനപ്രിയമായ വിഷയങ്ങളുടെ പട്ടിക ചൊവ്വാഴ്ച ഗൂഗിൾ പുറത്തുവിട്ടു.

സച്ചിനും ധോണിയും പട്ടികയിലുൾപ്പെട്ടിട്ടുണ്ട്. എന്നാൽ കോലിയല്ല ഏറ്റവും കൂടുതൽ ആളുകൾ തിരഞ്ഞ കായിക താരം. പോർച്ചുഗീസ് സൂപ്പർ താരം ക്രിസ്റ്റ്യാനോ റൊണാൾഡോയാണ് കഴിഞ്ഞ 25 വർഷത്തിനിടെ ആളുകൾ ​ഗു​ഗിളിൽ തിരഞ്ഞ കായികതാരം.

023-ൽ ഗൂഗിളിൽ ഏറ്റവും കൂടുതൽ സെർച്ച് ചെയ്യപ്പെട്ട ക്രിക്കറ്റ് താരങ്ങളുടെ പട്ടികയിലും കോലിയില്ല. ശുഭ്മാൻ ഗില്ലാണ് ഈ പട്ടികയിൽ ഒന്നാമത്. രണ്ടാം സ്ഥാനത്ത് ന്യൂസിലൻഡിന്റെ യുവതാരം രചിൻ രവീന്ദ്രയാണ്.