കുളിക്കാനിറങ്ങിയ ഉടൻ ജലനിരപ്പ് ഉയർന്നു; ചിറ്റൂർ പുഴയിൽ നാലുപേർ കുടുങ്ങി
പാലക്കാട് ചിറ്റൂർ പുഴയിൽ നാലു പേർ കുടുങ്ങി. പുഴയിൽ കുളിക്കാനിറങ്ങിയവരാണ് പുഴയുടെ നടുവിൽ കുടുങ്ങിയത്. നർണി ആലാംകടവ് കോസ്‌വേക്ക് താഴെയാണ് സംഭവം. ഫയർഫോഴ്‌സ് സംഘം സ്ഥലത്തെത്തി രക്ഷാപ്രവർത്തനം ആരംഭിച്ചിട്ടുണ്ട്, രണ്ടുപേരെ രക്ഷപെടുത്തി
ഇന്ന് ഉച്ചയോടെയാണ് സംഭവമുണ്ടായത്. നാല് പുരുഷന്മാരും ഒരു സ്ത്രീയുമടങ്ങിയ സംഘം കുളിക്കാനിറങ്ങിയ ഉടൻ പുഴയിൽ പൊടുന്നനെ ജലനിരപ്പുയരുകയായിരുന്നു. ഇതോടെ ഇവർ പുഴയ്ക്ക് നടുവിൽ പെട്ടു. ഉടൻ തന്നെ നാട്ടുകാർ അറിയിച്ചതിനെ തുടർന്ന് ഫയർഫോഴ്‌സും പൊലീസും സ്ഥലത്തെത്തി രക്ഷാപ്രവർത്തനം തുടങ്ങി. ഇവർക്ക് ലൈഫ്ജാക്കറ്റ് നൽകാനായെന്നാണ് വിവരം. ഉടൻ തന്നെ കരയ്ക്ക് കയറ്റാനായേക്കും.
എന്നാൽ പുഴയിൽ ജലനിരപ്പ് ഉയരുന്നത് ആശങ്ക വർധിക്കുകയാണ്. പുഴയിൽ ശക്തമായ ഒഴുക്കുമുണ്ട്. സ്വന്തം നിലയിൽ സംഘം കരയ്‌ക്കെത്താൻ ശ്രമിച്ചാൽ ഒഴുക്കിൽപ്പെടും എന്നതാണ് അവസ്ഥ.
