ഒമാനിലെ മുദൈബിയിൽ വാഹനാപകടം; രണ്ട് മരണം, 22 പേർക്ക് പരിക്ക്
മസ്‌കത്ത്: ഒമാനിലെ മുദൈബി വിലായത്തിൽ പുലർച്ചെയുണ്ടായ വാഹനാപകടത്തിൽ രണ്ടുപേർ മരിച്ചതായി ഇബ്ര ആശുപത്രിയിൽ ആരോഗ്യ മന്ത്രാലയത്തിന്റെ എമർജൻസി മാനേജ്മെന്റ് സെന്റർ സ്ഥിരീകരിച്ചു. 22 പേർക്ക് പരിക്കുണ്ട്. ഗുരുതരമായ പരിക്കേറ്റവരെ നിസ്‌വ, സൂർ, ഖൗല, യൂണിവേഴ്‌സിറ്റി മെഡിക്കൽ സിറ്റി എന്നീ ആശുപത്രിയിലേക്ക് മാറ്റും. ഒന്നിലധികം വാഹനങ്ങൾ കൂട്ടിയിടിച്ചാണ് അപകടമുണ്ടായത്. അപകടത്തിൽ ഏഴ് വാഹനങ്ങൾ ഉൾപ്പെട്ടതായി റോയൽ ഒമാൻ പൊലീസ് (ROP) സ്ഥിരീകരിച്ചു.accident
ഒമാനിലെ എല്ലാ വാഹനമോടിക്കുന്നവരോടും, പ്രത്യേകിച്ച് ദീർഘദൂര യാത്രകളിൽ, സുരക്ഷയ്ക്ക് മുൻഗണന നൽകണമെന്ന് ആരോഗ്യ മന്ത്രാലയം അഭ്യർത്ഥിച്ചു. ഇത്തരം ദുരന്തങ്ങൾ തടയാൻ ഡ്രൈവർമാർ ജാഗ്രത പാലിക്കണമെന്നും ട്രാഫിക് നിയമങ്ങൾ പാലിക്കണമെന്നും ആർഒപി ആവശ്യപ്പെട്ടു.
