ചീക്കോട് ഗവ: യു.പി. സ്കൂൾ പള്ളിയാളി ഏരിയാ “ശിക്ഷൺ ബൈഠക് ” ഉദ്ഘാടനം വാർഡ് മെമ്പർ കെസി കരീം നിർവഹിച്ചു.

ഏരിയാ “ശിക്ഷൺ ബൈഠക് ” പദ്ധതിയുടെ ഭാഗമായി പള്ളിയാളി ഏരിയ രക്ഷിതാക്കളുടെ സംഗമം എം ടി എ പ്രസിഡണ്ട് സൈനബയുടെ അധ്യക്ഷതയിൽ വാർഡ് മെമ്പർ കെസി കരീം ഉദ്ഘാടനം ചെയ്തു. പരിപാടിയിൽ തയ്യിബ് ഓമാനൂർ മുഖ്യ പ്രഭാഷണവും നൗഷാദ് മാസ്റ്റർ ആമുഖ പ്രഭാഷണവും നടത്തി. മുള്ളൻമടക്കൽ ഹമീദ് , യഹ്‌യ, ഫൈസൽ പാറക്കൽ, ഗഫൂർ സി എച്, അസ്‌ലം മാസ്റ്റർ, മജീദ് എന്നിവർ ആശംസകൾ അർപ്പിച്ചു. എസ്.എം.സി – പി.ടി.എ അംഗങ്ങൾ, അദ്ധ്യാപകർ എന്നിവർ പങ്കെടുത്ത ചടങ്ങിൽ രക്ഷിതാക്കളുടെ നിറഞ്ഞ സദസ്സ് ശ്രദ്ധേയമായി. വിദ്യാർത്ഥികളുടെ കലാപരിപാടികൾ ചടങ്ങിന് മാറ്റ് കൂട്ടി. സബ് ജില്ലാ കലാ പ്രതിഭകളെ ചടങ്ങിൽ അനുമോദിച്ചു.