ശ്രദ്ധേയമായി കുനിയിൽ മഹല്ലുകളുടെ ഫലസ്തീൻ ഐക്യദാർഢ്യ റാലി.
കുനിയിൽ: ഫലസ്തീനിൽ ഇസ്രാഈൽ നടത്തുന്ന വംശഹത്യയിൽ പ്രതിഷേധിച്ച് ഫലസ്തീൻ സ്വാതന്ത്ര്യ സമരപ്പോരാളികൾക്ക് ഐക്യദാർഢ്യം പ്രഖ്യാപിച്ച് കുനിയിയിലെ മസ്ജിദുന്നിയ്യ, ഹുമാത്തുൽ ഇസ്ലാം ഇരുപ്പാംകുളം മഹല്ല്, മസ്ജിദുൽ ഹുദാ മഹല്ലുകൾ സംയുക്തമായി പലസ്തീൻ ഐക്യദാർഢ്യ റാലി സംഘടിപ്പിച്ചു. (Organized Palestine Solidarity Rally.)
Read More കീഴുപറമ്പ് കുടുംബശ്രീ സിഡിഎസ്സിൽ കൈത്താങ്ങ് പദ്ധതി തുടക്കമായി.
പെരിങ്കടവ് പാലത്തിൽ നിന്നാരംഭിച്ച റാലിക്ക് മഹല്ല് കാരണവന്മാർ നേതൃത്വം നൽകി. ആയിരക്കണക്കിന് ആളുകൾ പങ്കെടുത്ത റാലി എടക്കണ്ടിപ്പൊറ്റയിൽ വന്ന് ന്യൂബസാറിൽ സമാപിച്ചു. ഇസ്രാഈൽ ഭീകരതയുടെ വഞ്ചക മുഖം എടുത്ത് കാട്ടുന്ന, ഫലസ്തീന്റെ സ്വാതന്ത്ര്യം ആവശ്യപ്പെടുന്ന പ്ലക്കാർഡുകളുമായി കുഞ്ഞുങ്ങളും റാലിയിൽ പങ്കെടുത്തു കൊണ്ട് ഇസ്രാഈലിന്റെ ശിശുഹത്യയിൽ പ്രതിഷേധിച്ചു. സമാപന യോഗത്തിൽ റാലി കൺവീനർ വി.പി ശിഹാബുദ്ദീൻ അൻവാരി, കെ.ടി.അബ്ദുസ്സലാം ഇർഫാനി, Prof.കെ.എ നാസർ, ക്ഷേത്ര പ്രതിനിധി മാനുട്ടൻ, പി.പി. ഹമീദ് മാസ്റ്റർ, പഞ്ചായത്ത് വൈസ്: പ്രസിഡന്റ് പി.പി എ റഹ്മാൻ , ശാക്കിർ ബാബു കുനിയിൽ, കെ.ടി. ജലീൽ കമ്പളത്തൊടി , കെ.ടി മുഹമ്മദ് ചെറിയാപ്പുപ്രസംഗിച്ചു.
