സ്കൂളുകൾക്ക് കായിക ഉപകരണങ്ങൾ നൽകൽ പദ്ധതി ഉദ്ഘാടനം ചെയ്തു.

ഊർങ്ങാട്ടിരി ഗ്രാമ പഞ്ചായത്ത് 2023 24 വാർഷിക പദ്ധതിയിൽ ഉൾപ്പെടുത്തി നടപ്പാക്കുന്ന സ്കൂളുകൾക്ക് കായിക ഉപകരണങ്ങൾ നൽകൽ പദ്ധതിയുടെ പഞ്ചായത്ത് തല ഉദ്ഘാടനം ഗ്രാമപഞ്ചായത്ത് പ്രസിഡണ്ട് സി ജിഷ നിർവഹിച്ചു. ചടങ്ങിൽ വൈസ് പ്രസിഡണ്ട് ഷിജോ ആന്റണി അധ്യക്ഷത വഹിച്ചു. വികസന സ്റ്റാൻഡിങ് കമ്മിറ്റി ചെയർപേഴ്സൺ കെ ടി അലീമ, ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ കെട്ടി മുഹമ്മദ് കുട്ടി, ഗ്രാമപഞ്ചായത്ത് മെമ്പർ പി ബഷീർ, ജമീല നജീബ്, ആസൂത്രണ സമിതി വൈസ് ചെയർമാൻ പി കെ അബ്ദുറഹ്മാൻ, എന്നിവർ പ്രസംഗിച്ചു. നിർവഹണ ഉദ്യോഗസ്ഥൻ അബ്ദുൽ ജബ്ബാർ മാസ്റ്റർ പദ്ധതി വിശദീകരിച്ചു. വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ അസനത്ത് കുഞ്ഞാണി സ്വാഗതവും ഗ്രാമപഞ്ചായത്ത് അസിസ്റ്റന്റ് സെക്രട്ടറി മുഹമ്മദ് റാഫി നന്ദിയും പറഞ്ഞു.