വിനീഷ്യസോ ബെല്ലിങ്ഹാമോ കാർവഹാലോ?; ബാർലൻ ഡി ഓർ വിജയിയെ പ്രവചിച്ച് കാർലോ ആഞ്ചലോട്ടി
മാഡ്രിഡ്: ഫുട്ബോൾ ലോകത്തിെൻറ കണ്ണുകളെല്ലാം ബാലൻ ഡി ഓർ വിജയിയിലേക്കാണ്. റയൽ മാഡ്രിഡ് താരങ്ങളായ ജൂഡ് ബെല്ലിങ്ഹാം, വിനീഷ്യസ് ജൂനിയർ, ഡാനി കാർവഹാൽ എന്നിവർ സാധ്യത പട്ടികയിൽ മുന്നിൽ തന്നെയുണ്ട്. ലാലിഗയും ചാമ്പ്യൻസ് ലീഗും നേടിയ റയൽ ടീമിലെ അംഗങ്ങളായ ഇവരിൽ ആരാണ് മുന്നിലെന്ന ചോദ്യത്തിന് കാർലോ ആഞ്ചലോട്ടി തെരഞ്ഞെടുത്തത് ബ്രസീലിയൻ താരമായ വിനീഷ്യസിനെയാണ്.Carlo Ancelotti
ഒരു യൂട്യൂബ് ചാനലിന് നൽകിയ അഭിമുഖത്തിൽ ആഞ്ചലോട്ടി പറഞ്ഞതിങ്ങനെ: ‘‘എെൻറ അഭിപ്രായത്തിൽ വിനീഷ്യസ് ജൂനിയറാണ് നേടുക. അവൻ പ്രതിഭയുള്ളവനാണ്. അവസാന സീസണിൽ നന്നായി കളിച്ചു. കാർവഹാൽ നന്നായി ചെയ്തിട്ടുന്നെതും ചാമ്പ്യൻസ് ലീഗ് നേടിയെന്നതും ശരിയാണ്. ചാമ്പ്യൻസ് ലീഗും ലാലിഗയും നേടിയ ജൂഡിനും അവിസ്മരണീയ സീസണാണ്. പക്ഷേ ഇതല്ല ഏറ്റവും പ്രധാനപ്പെട്ടതെന്ന് ഞാൻ കരുതുന്നു. നിങ്ങൾ കളിക്കാരനോട് ഒരു അഭിമുഖത്തിൽ ചാമ്പ്യൻസ് ലീഗ് നേടുന്നതാണോ ബാലൻ ഡി ഓർ നേടുന്നതാണോ പ്രധാനമെന്ന് ചോദിച്ചുനോക്കൂ. ചാമ്പ്യൻസ് ലീഗെന്നാകും ഉത്തരം’’ -കാർലോ ആഞ്ചലോട്ടി പറഞ്ഞു.
റയൽ താരങ്ങൾക്ക് പുറമേ ബാലൻ ഡി ഓർ സാധ്യത പട്ടികയിൽ മുന്നിലുള്ള ഒരാൾ മാഞ്ചസ്റ്റർ സിറ്റിയുടെ സ്പാനിഷ് താരം റോഡ്രിയാണ്. റയലിനായി തകർപ്പൻ പ്രകടനം നടത്തിയെങ്കിലും കോപ്പ അമേരിക്കയിൽ ബ്രസീൽ സ്വപ്നങ്ങൾ പാതിവഴിയിൽ അവസാനിച്ചതാണ് വിനീഷ്യസിനുള്ള തിരിച്ചടി.
