ദേശീയ താരങ്ങൾക്ക് ഗംഭീര സ്വീകരണം നൽകി അരീക്കോട് ഗവ ഹയർ സെക്കന്ററി സ്കൂൾ

ദേശീയ സ്പെഷ്യൽ റോളർ സ്കേറ്റിംഗ് ചാമ്പ്യൻഷിപ്പിൽ ജൂനിയർ വിഭാഗത്തിൽ സ്വർണ്ണ മെഡൽ നേടിയ ലിറ്റിൽ ചാമ്പ്യൻ സോജിൽ ഓ ക്കും സംസ്ഥാന സ്കൂൾ വെയിറ്റ്ലിഫ്റ്റിങ്ങിൽ സ്വർണം കരസ്ഥമാക്കി കേരളത്തെ പ്രതിനിധീകരിച്ച് രാജസ്ഥാനിൽ വെച്ച് നടന്ന ദേശീയ മൽസരത്തിൽ പങ്കെടുത്ത സ്നിഗ്ദ ആർ വിജയ് ക്കും സ്കൂൾ പി ടി എ യുടെ ആഭിമിഖ്യത്തിൽ സ്വീകരണം നൽകി. അരീക്കോട് സയൻസ് കോളേജ് പരിസരത്ത് നിന്നാരംഭിച്ച ഘോഷയാത്രയിൽ പി ടി എ ഭാരവാഹികൾ വാർഡ് മെമ്പർ, പ്രിൻസിപ്പാൾ, എച്ച് എം, അധ്യാപകർ രക്ഷിതാക്കൾ എന്നിവർ പങ്കെടുത്തു. മദർ ഹോസ്പിറ്റലിന്റെ മുന്നിലൂടെ ഉഗ്രപുരം അങ്ങാടി വഴി സ്കൂളിൽ പ്രത്യേകം സജ്ജമാക്കിയ അസ്സംബ്ലിയിലേക്ക് ശിങ്കാരി മേളവും സ്കൂൾ ഫോഴ്സുകളായ എസ്‌ പി സി, സ്കൗട്ട്സ് & ഗൈഡ്സ്, ജെ ആർ സി എന്നിവരുടെ അകമ്പടിയോടെ ജേതാക്കളെ ആനയിച്ചു. സ്കൂളിൽ വെച്ച് നടന്ന ചടങ്ങിൽ പ്രധാനാധ്യാപകൻ പി പി ദവൂദ് സ്വാഗതം പറഞു.പി ടി എ പ്രസിഡന്റ് ടി പി ഉമ്മർ അദ്ധ്യക്ഷതവഹിച്ചു. വാർഡ് മെമ്പർ റംല വെള്ളാരി ചടങ്ങ് ഉദ്ഘാടനം ചെയ്തു. സ്കൂൾ പ്രിൻസിപ്പാൾ സി മുഫീദ , എസ്‌ എം സി ചെയർമാൻ കെ സുരേഷ് ബാബു തുടങ്ങിയവർ ആശംസകളർപ്പിച്ചു. സ്കൂളിന്റെ ചരിത്രത്തിലെ ഏറ്റവും വലിയ നേട്ടങ്ങളെ കുറിച്ച് കായികാധ്യാപകൻ ഡോ. മുബശ്ശിർ കൊട്ടപ്പറമ്പൻ വിശദീകരിച്ചു. സ്റ്റാഫ് സെക്രട്ടറി പ്രദീപ് പി ടി ചടങ്ങിനു നന്ദി പ്രകാശിപ്പിച്ചു.