പെരകമണ്ണ ഗവൺമെന്റ് ഹൈസ്കൂളിൽ വിജയാഘോഷവും മധുരവിതരണവും നടത്തി

ഒതായി: SSLC പരീക്ഷയിൽ 100 ശതമാനം വിജയവും 37 ഫുൾ A+ ഉം ഉൾപ്പെടെ മികച്ച വിജയം കരസ്ഥമാക്കി പെരകമണ്ണ ഗവൺമെന്റ് ഹൈസ്കൂൾ. വിദ്യാർത്ഥികളെ ഉൾപ്പെടുത്തി വിജയാഘോഷവും മധുര വിതരണവും നടത്തി. സ്കൂളിന്റെ നൂറാം വാർഷികാഘോഷം കൊണ്ടാടുന്ന വേളയിൽ 100 ശതമാനം വിജയം നേടിത്തന്ന മുഴുവൻ കുട്ടികളയും പി.ടി.എ യുടേയും എസ് എം സി യുടേയും നേതൃത്വത്തിൽ അനുമോദിച്ചു. വിജയാരവം പിടിഎ പ്രസിഡണ്ട് ജുനൈസ് കാഞ്ഞിരാല ഉദ്ഘാടനം ചെയ്തു. സീനിയർ അസിസ്റ്റന്റ് ബിജു എം സ്വാഗതം പറഞ്ഞു. എസ്.എം.സി ചെയർമാൻ യൂസഫ്, വൈസ് ചെയർമാൻ മനോജ്, എം.പി.ടി.എ പ്രസിഡന്റ് സബീന, അധ്യാപകരായ ഫൈസൽ എസ് , റഹീം സിടി, പ്രസന്നകുമാർ ടി, മുഹ്സിന സി.ടി, കവിത കെ, ശ്രീജ എൻ ടി, ഷീജ പി , തുടങ്ങിയവർ അനുമോദനങ്ങൾ അർപ്പിച്ചു. സ്റ്റാഫ് സെക്രട്ടറി സതീഷ് കുമാർ കെ നന്ദിയും പറഞ്ഞു.