പുഴയിൽ ചാക്കിൽ കെട്ടിയ നിലയിൽ രണ്ട് മൃതദേഹങ്ങൾ; അമ്മയുടെയും കുഞ്ഞിന്റേതുമാണെന്ന് സ്ഥിരീകരണം
പാലക്കാട്: പുഴയിൽ ചാക്കിൽ കെട്ടിയ നിലയിൽ രണ്ട് മൃതദേഹങ്ങൾ കണ്ടെത്തി. അട്ടപ്പാടി ചീരക്കടവിൽ ഭവാനിപ്പുഴയിലാണ് അമ്മയുടെയും കുഞ്ഞിന്റെയും മൃതദേഹങ്ങൾ കണ്ടെത്തിയത്.
ശരീര ഭാഗങ്ങൾ മുറുക്കികെട്ടി രണ്ട് ചാക്കുകളിൽ ലഭിച്ച മൃതദേഹങ്ങൾക്ക് നാലു ദിവസത്തെ പഴക്കമുണ്ടെന്ന് പൊലീസ് സ്ഥീരീകരിച്ചു. പുതൂർ പോലീസ് സംഭവ സ്ഥലത്തെത്തി തുടർനടപടികൾ സ്വീകരിച്ചു. സംഭവത്തിൽ അന്വേഷണം ഊർജിതപ്പെടുത്തിയതായി പോലീസ് അറിയിച്ചിട്ടുണ്ട്.
പുഴയോരത്ത് പശുവിനെ മേയ്ക്കാൻ വന്നവരാണ് ഒഴുകിവരുന്ന ചാക്കുകൾ കണ്ടത്. ദുർഗന്ധം വമിച്ചതിനാൽ സംശയം തോന്നുകയും തുടർന്ന് പോലീസിനെ വിവരം അറിയിക്കുകയായിരുന്നു.
