ISM & USMസൗഹൃദ ഫുട്ബോൾ മേള: കുനിയിൽ അൻവാർ നഗർ ചാമ്പ്യന്മാർ
കുനിയിൽ: ‘വിശ്വമാനവികതയ്ക്ക് വേദ വെളിച്ചം’ എന്ന പ്രേമേയത്തിൽ 2024 ജനുവരി 25 മുതൽ 28 വരെ കരിപ്പൂരിൽ വെച്ച് നടക്കുന്ന മുജാഹിദ് പത്താം സംസ്ഥാന സമ്മേളനത്തിന്റെ പ്രചാരണാർത്ഥം ISM, USM കീഴുപറമ്പ മണ്ഡലം സമിതികൾ സംയുക്തമായി സംഘടിപ്പിച്ച സൗഹൃദ ഫുട്ബോൾ മത്സരത്തിൽ കുനിയിൽ അൻവാർനഗർ ചാമ്പ്യന്മാരായി. രണ്ട് പാദങ്ങളിലായി നടന്ന മത്സരത്തിൽ 9 ടീമുകൾ പങ്കെടുത്തു. ആദ്യപാദ മത്സരം മുതുപറമ്പ് ടർഫിൽ വെച്ചും രണ്ടാം പാദ മത്സരങ്ങൾ KV മൂസാസുല്ലമി സ്മാരാക പഞ്ചായത്ത് സ്റ്റേഡിയത്തിൽ വെച്ചും അരങ്ങേറി. മത്സരത്തിൽ പൂവത്തിക്കണ്ടി യൂണിറ്റ് റണ്ണേഴ്സ് ചാമ്പ്യന്മാരായി. വിജയികൾക്ക് കീഴുപറമ്പ ഗ്രാമപഞ്ചായത്ത് പ്രസിഡന്റ് VP സഫിയ ഹുസൈൻ ട്രോഫികൾ വിതരണം ചെയ്തു. ഐ.എസ്.എം.സംസ്ഥാന സെക്രട്ടറി ഫാസിൽ ആലുക്കൽ , യൂസുഫ് കെ.ടി, ഉസൈൻ പി.ടി, അലി കരുവാടൻ, അൻവർ.കെ.സി, സലീം കാരണത്ത്, നാസർ എം.കെ, ജലീൽ. കെ.ടി, ഖമറുൽ ഇസ്‌ലാം, ഷമീൽ എം.കെ, അബ്ദു റഊഫ്. എം.പി തുടങ്ങിയവർ സംബന്ധിച്ചു.
ISM & USM Friendly Football Fair: Kuniil Anwar Nagar Champions
