ലൈംഗികാധിക്ഷേപക്കേസിൽ ബോബി ചെമ്മണൂർ ജയിലിലേക്ക്; മുൻകൂർ ജാമ്യാപേക്ഷ തള്ളി
കൊച്ചി: ലൈംഗികാധിക്ഷേപക്കേസിൽ ബോബി ചെമ്മണൂരിന് ജാമ്യമില്ല. മുൻകൂർ ജാമ്യാപേക്ഷ കൊച്ചി സിജെഎം കോടതി തള്ളി. കേസിൽ ബോബിയെ രണ്ടാഴ്ചത്തേക്ക് റിമാൻഡ് ചെയ്തു. നടി ഹണി റോസിന്റെ പരാതിയിലാണു നടപടി.Bobby Chemmanur
വിധി കേട്ടതിനു പിന്നാലെ ബോബി ചെമ്മണൂരിന് ദേഹാസ്വാസ്ഥ്യം അനുഭവപ്പെട്ടു. കോടതിയില് തലകറങ്ങിവീണ ബോബി കോടതിയില് വിശ്രമത്തിലാണ്. ഉടന് എറണാകുളം ജനറല് ആശുപത്രിയിലേക്കു മാറ്റും.
കുന്തിദേവി പരാമർശം ദ്വയാർഥപ്രയോഗമാണെന്നും ലൈംഗികച്ചുവയുള്ള പരാമർശമാണെന്നും കോടതിയിൽ പ്രോസിക്യൂഷൻ വാദിച്ചു. പ്രതിക്ക് ജാമ്യം നൽകരുത്. ജാമ്യം നൽകിയാൽ അതു സമൂഹത്തിന് തെറ്റായ സന്ദേശം നൽകുമെന്ന് കോടതിയിൽ പ്രോസിക്യൂഷൻ വാദിച്ചു. സമൂഹമാധ്യമങ്ങൾ വഴി മോശം പരാമർശറം നടത്തുന്നവർക്ക് അതു പ്രോത്സാഹനമാകും. പ്രതി സാക്ഷികളെ സ്വാധീനിക്കാനും തെളിവുകൾ നശിപ്പിക്കാനും സാധ്യതയുണ്ട്. സ്വാധീനം ഉള്ളയാളാണെന്നും ഒളിവിൽ പോകാനിടയുണ്ടെന്നും പ്രോസിക്യൂഷൻ ചൂണ്ടിക്കാട്ടി.