ഇരുമ്പ് തൂൺ നെഞ്ചിൽ കയറി ആന ചരിഞ്ഞു
കോഴിക്കോട്: കൃഷിയടത്ത് കയറിയ ആന നെഞ്ചിൽ ഇരുമ്പ് തൂൺ തുളച്ച് കയറി മരിച്ചു. ചക്കിട്ടപാറ മുതുകാട് പയ്യാനിക്കോട്ട കിഴക്കയില്ല പറമ്പിൽ കണാരന്റെ കൃഷിയിടത്തിൽ ബുധനാഴ്ച പുലർച്ചെ രണ്ടിനായിരുന്നു സംഭവം. ആനയെ വനംവകുപ്പ് ഉദ്യോഗസ്ഥരും വാച്ചർമാരും ചേർന്ന് കാട്ടിലേക്ക് തുരത്താൻ ശ്രമിക്കവേ, വാച്ചർമാർക്ക് നേരെ ചിന്നംവിളിച്ച് ഓടിയടുത്തിരുന്നു. ഇതോടെ വാച്ചർമാരും ഉദ്യോഗസ്ഥരും കാണാരന്റെ വീട്ടിൽ കയറി. തിരിഞ്ഞോടിയ ആന കണാരന്റെ കാർ ഷെഡ് തകർത്തു. ഇവിടെയുണ്ടായിരുന്ന ഇരുമ്പ് തൂൺ പൊട്ടി ആനയുടെ നെഞ്ചിൽ തുളച്ച് കയറുകയായിരുന്നു.
