പോലീസ് സ്‌റ്റേഷന്‍ മാര്‍ച്ച് നടത്തി മഞ്ചേരി ബ്ലോക്ക് കോൺഗ്രസ്സ് കമ്മറ്റി
മഞ്ചേരി: മഞ്ചേരി ബ്ലോക്ക് കോണ്‍ഗ്രസ് കമ്മിറ്റി പോലീസ് സ്റ്റേഷൻ മാർച്ച് നടത്തി. മഞ്ചേരി പട്ടണത്തിൽ, കെ.പി.സി.സി. ജനറൽ സെക്രട്ടറി ആലിപ്പറ്റ ജമീല ബ്ലോക്ക് കോൺഗ്രസ്സ് കമ്മിറ്റി പ്രസിഡന്റ് ഹുസ്സൈൻ വല്ലാഞ്ചിറക്ക് കോൺഗ്രസ്സ് പതാക നൽകി മാർച്ച് ഉദ്ഘാടനം ചെയ്തു. തുടർന്ന് പ്രവർത്തകർ പോലീസ് സ്റ്റേഷനിലേക്ക് പ്രതിഷേധ മാർച്ചും പ്രതിഷേധ സംഗമവും നടത്തി. ഹുസ്സൈൻ വല്ലാഞ്ചിറ അദ്ധ്യക്ഷത വഹിച്ചു. കെ.പി.സി.സി. അംഗങ്ങളായ പറമ്പൻ റഷീദ്, വി.സുധാകരൻ, മുൻ കെ.പി.സി.സി. അംഗം ടി.പി. വിജയകുമാർ, യു.ഡി.എഫ് ചെയർമാൻ ഹനീഫ മേച്ചേരി, മണ്ഡലം പ്രസിഡന്റുമാരായ സുബൈർ വീമ്പൂർ, വിജീഷ് എളംകൂർ, ബ്ലോക്ക് ഭാരവാഹികളായ അപ്പു മേലാക്കം, ഷംസു മുള്ളമ്പാറ, സത്യൻ മരത്താണി, നാണിപ്പ മംഗലശ്ശേരി, വി.സി. നാരായണൻ കുട്ടി, പി.കെ. സത്യപാലൻ, പി.അവറു, ബാബു കാരാശീരി തുടങ്ങിയവർ സംസാരിച്ചു.
Manjeri Block Congress Committee held police station march
