മുനാഫസ; ഖുർആൻ പഠന പദ്ധതി അവാർഡുകൾ വിതരണം ചെയ്തു
കുനിയിൽ : ഐ എസ് എം കുനിയിൽ വർഷം തോറും നടത്തി വരാറുള്ള മുനാഫസ ഖുർആൻ പഠന പദ്ധതി മൂന്നാം ഘട്ടം അവാർഡുകൾ എം ജി എം മലപ്പുറം ഈസ്റ്റ് ജില്ലാ പ്രസിഡണ്ട് എൻ വി സുആദ ടീച്ചർ വിതരണം ചെയ്തു. ജമീല കൊടവങ്ങാട്, നഫീസ കെ വി, ശരീഫ പി എ , എന്നിവർക്ക് യഥാക്രമം ആദ്യ സ്ഥാനങ്ങൾ ലഭിച്ചു.
പരിപാടിയുടെ ഭാഗമായി നടന്ന ഖുർആൻ പ്രഭാഷണത്തിന് റഫീഖ് സലഫി നേതൃത്വം നൽകി. പരീക്ഷാ കൺട്രോളർ റഷീൻ എ കരീം പദ്ധതി വിശദീകരണം നടത്തി. ചെയർമാൻ വി പി ഫസീഹ് മുക്താർ അധ്യക്ഷത വഹിച്ച പരിപാടിയിൽ പിപി റനീസ്, പി കെ ജംഷീദ് , പി അശ്റഫ്, കെ എം ശിഹാബുദ്ദീൻ, വി പി ശമീം, കെ വി ജസീൽ, കെ പി നിയാസ്, പി പി ഹബീബ് റഹിമാൻ , കെ ടി നൗഷാദ് എന്നിവർ സംബന്ധിച്ചു. കൺവീനർ കെ പി ത്വാഹ അമിൻ സ്വാഗതവും ശമീം ആലുംകണ്ടി നന്ദിയും പറഞ്ഞു.
