ഊർങ്ങാട്ടിരി സ്കൂളിന് അനുവദിച്ച പുതിയ കെട്ടിടം ഉദ്ഘാടനം ചെയ്തു

ഊർങ്ങാട്ടിരി: ഊർങ്ങാട്ടിരി ഗ്രാമപഞ്ചായത്ത് തച്ചണ്ണ ഗവൺമെന്റ് എൽപി സ്കൂളിന് പൊതു വിദ്യാഭ്യാസ വകുപ്പ് 2022-23 വർഷത്തിൽ പ്ലാൻ ഫണ്ട് വഴി അനുവദിച്ച 46 ലക്ഷം രൂപ ചിലവഴിച്ചു നിർമിച്ച പുതിയ കെട്ടിടം ഏറനാട് നിയോജക മണ്ഡലം എംഎൽഎ പി.കെ ബഷീർ ഉദ്ഘാടനം ചെയ്ത് നാടിന് സമർപ്പിച്ചു. പിടിഎ പ്രസിഡൻറ് ത്രാവോട് മുജീബ് സ്വാഗതം പറഞ്ഞ പരിപാടിയിൽ പഞ്ചായത്ത് പ്രസിഡൻ്റ് ജിഷ സി. വാസു, വൈസ് പ്രസിഡന്റ് ഷിജോ ആൻ്റണി, പഞ്ചായത്ത് മെമ്പർമാരായ ഹസനത്ത് കുഞ്ഞാണി തെഞ്ചേരി, ഹലീമ കുണ്ടുവഴി, സാജിദ ഉഴുന്നൻ തച്ചണ്ണ, പ്രധാന അധ്യാപകൻ മുഹമ്മദ് മാസ്റ്റർ തുടങ്ങിയവരും മറ്റള്ളവരും പ്രസംഗിച്ചു. അതേസമയം പിടിഎ പ്രസിഡന്റ് മീജീബ് വേദിയിൽ വെച്ച് ഒരു സ്കൂൾ ബസ് ആവശ്യപ്പെടുകയും അത് എംഎൽഎ ഫണ്ടിൽ നിന്നും അനുവദിക്കാമെന്ന് പി.കെ ബഷീർ അറിയിച്ചു. കുട്ടികളും രക്ഷിതാക്കളും നാട്ടുകാരും പങ്കെടുത്ത പരിപാടി ജന പങ്കാളിത്തം കൊണ്ട് ശ്രദ്ധേയമായി. The new building of Oorngattiri School was inaugurated