അടുക്കള മുറ്റത്ത് മുട്ടക്കോഴി വിതരണം; പഞ്ചായത്ത് തല ഉദ്ഘാടനം നിർവഹിച്ചു.

ഊർങ്ങാട്ടിരി ഗ്രാമ പഞ്ചായത്ത് 2023 24 വാർഷിക പദ്ധതിയിൽ ഉൾപ്പെടുത്തി നടപ്പാക്കുന്ന വനിതകൾക്ക് അടുക്കള മുറ്റത്ത് മുട്ടക്കോഴി വിതരണ പദ്ധതിയുടെ പഞ്ചായത്ത് തല ഉദ്ഘാടനം കിണർ അടപ്പൻ വെച്ച് ഗ്രാമപഞ്ചായത്ത് പ്രസിഡണ്ട് സി ജിഷ നിർവഹിച്ചു. ചടങ്ങിൽ ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ കെ ടി മുഹമ്മദ് കുട്ടി അധ്യക്ഷത വഹിച്ചു. 2023 24 വാർഷിക പദ്ധതിയിൽ 12 ലക്ഷം രൂപ ഉൾപ്പെടുത്തി 2100 ഗുണഭോക്താക്കൾക്ക് അഞ്ചു വീതം കോഴിക്കുഞ്ഞുങ്ങളെ നൽകുന്നതാണ് പദ്ധതി, ഇതുവഴി ഓരോ കുടുംബത്തിനും ആവശ്യമുള്ള മുട്ട സ്വയം ലഭ്യമാക്കുക എന്നുള്ളതാണ് ലക്ഷ്യമിടുന്നത്. ചടങ്ങിൽ വെറ്റിനറി സർജൻ ഡോക്ടർ ഗ്രേസ് പദ്ധതി വിശദീകരിച്ചു. സജീർ, മേത്തലയിൽ, റഷീദ് വട്ടപ്പറമ്പൻ, സൈനുദ്ദീൻ പാറക്കൽ, നാജൂദീൻ, പുളിക്കത്തൊടി, എന്നിവർ പ്രസംഗിച്ചു. ഗ്രാമപഞ്ചായത്ത് അംഗം സിജിത പുതുക്കുട്ടി സ്വാഗതവും ആസൂത്രണ സമിതി അംഗം കരിക്കുന്നൻ മുഹമ്മദലി നന്ദിയും പറഞ്ഞു.