കേരള ഫയര് & റെസ്ക്യൂ സര്വ്വീസ് ഡിപ്പാര്ട്ട്മെന്റിനേയും സേനാംഗങ്ങളെയും അഭിനന്ദിച്ച് മുഖ്യമന്ത്രി
ബ്രഹ്മപുരം മാലിന്യ പ്ലാന്റില് ഉണ്ടായ തീ അണയ്ക്കുന്നതിനായി ശരിയായ മാര്ഗ്ഗം ഉപയോഗിച്ചുള്ള അഗ്നിശമന പ്രവര്ത്തനം നടത്തിയ കേരള ഫയര് & റെസ്ക്യൂ സര്വ്വീസ് ഡിപ്പാര്ട്ട്മെന്റിനേയും സേനാംഗങ്ങളെയും അഭിനന്ദിച്ച് മുഖ്യമന്ത്രി പിണറായി വിജയൻ.
ഫയര്ഫോഴ്സിനോടു ചേര്ന്ന് പ്രവര്ത്തിച്ച ഹോംഗാര്ഡ്സ്, സിവില് ഡിഫന്സ് വോളണ്ടിയര്മാര് എന്നിവരുടെ ത്യാഗപൂര്ണമായ പ്രവര്ത്തനം പ്രത്യേകം അഭിനന്ദനം അര്ഹിക്കുന്നുവെന്നും ഇവരോടൊപ്പം പ്രവര്ത്തിച്ച ഇന്ത്യൻ നേവി, ഇന്ത്യന് എയര്ഫോഴ്സ്, കൊച്ചിന് പോര്ട്ട് ട്രസ്റ്റ്, ബി.പി.സി.എല്, സിയാല്, പെട്രോനെറ്റ് എല്.എന്.ജി, ജെസിബി പ്രവര്ത്തിപ്പിച്ച തൊഴിലാളികള് എന്നിവരുടെ സേവനവും അഭിനന്ദനീയമാനന്നും മുഖ്യമന്ത്രി അഭിപ്രായപെട്ടു. വിശ്രമരഹിതമായ ഈ പ്രവർത്തനത്തിൽ പങ്കാളികളായ എല്ലാവരെയും വിവിധ വകുപ്പുകളെയും അഭിനന്ദനം അറിയിക്കുന്നതായും മുഖ്യമന്ത്രി പറഞ്ഞു. തുടര് പ്രവര്ത്തനങ്ങള് കൃത്യമായ ഏകോപനത്തോടെ നടത്തുന്നതും അവശ്യമായ വിദഗ്ധോപദേശം സ്വീകരിക്കുന്നതുമാണന്നും അദ്ദേഹം അറിയിച്ചു.