സ്കൂൾ കലോത്സവം നടത്തി ജി എം എൽ പി എസ് എരഞ്ഞിക്കോട്

എരഞ്ഞിക്കോട് ജി എം എൽ പി സ്കൂളിൽ 2023 -24 അധ്യായന വർഷത്തെ സ്കൂൾ കലോത്സവം വളരെ സമുചിതമായി നടന്നു.(GMLPS Eranjikode conducted school youth festival)|youth festival.പരിപാടിയുടെ ഔപചാരികമായ ഉദ്ഘാടനം വാർഡ് മെമ്പർ സാജിത ഗഫൂർ നിർവഹിച്ചു. ഹെഡ്മിസ്ട്രസ് സക്കീന ടീച്ചർ അധ്യക്ഷത വഹിച്ച ചടങ്ങിൽ ലസ്ന ടീച്ചർ സ്വാഗതവും ഷബ്ന ടീച്ചർ നന്ദിയും പറഞ്ഞു. പിടിഎ വൈസ് പ്രസിഡന്റ് ഫിറോസ് വി സി, എംടിഎ പ്രസിഡണ്ട് മുനാഫ,വൈസ് പ്രസിഡന്റ് അഖില, സ്റ്റാഫ് സെക്രട്ടറി നബീൻ മാസ്റ്റർ എന്നിവർ ആശംസകൾ അർപ്പിച്ച് സംസാരിച്ചു. മുഖ്യാതിഥിയായി എത്തിയ ഗായകനും പൂർവ്വ വിദ്യാർത്ഥിയുമായ നഷ്ബിൻ കുട്ടികൾക്ക് വേണ്ടി മനോഹരമായ ഗാനങ്ങൾ ആലപിച്ചത് പരിപാടിക്ക് മാറ്റ് കൂട്ടി. രണ്ട് വേദികളിലായി ഭരതനാട്യം, നാടോടി നൃത്തം, കവിതാലാപനം, മാപ്പിളപ്പാട്ട് തുടങ്ങി ഇരുപതോളം നൃത്ത നൃത്തേതര മത്സരയിനങ്ങളാണ് അരങ്ങേറിയത്.