ഇൻസ്റ്റഗ്രാം വഴി അശ്ലീല വിഡിയോകൾ ഡൗൺലോഡ് ചെയ്തു; യുവാക്കൾ പൊലീസ് പിടിയിൽ
കൊളത്തൂർ: പ്രായപൂർത്തിയാകാത്ത കുട്ടികളുടെ നഗ്ന ചിത്രങ്ങളും അശ്ലീല വിഡിയോകളും ഇൻസ്റ്റഗ്രാം അക്കൗണ്ട് വഴി ഡൗൺലോഡ് ചെയ്ത് മൊബൈൽ ഫോണിൽ സൂക്ഷിക്കുകയും മറ്റുള്ളവർക്ക് കൈമാറുകയും ചെയ്തെന്ന രഹസ്യ വിവരത്തിന്റെ അടിസ്ഥാനത്തിൽ യുവാക്കൾ പിടിയിൽ. വറ്റലൂർ കരിഞ്ചാപ്പാടിയിലെ ഇരുപത്തൊന്നുകാരനും കൊളത്തൂർ അമ്പലപ്പടിയിലെ ഉത്തർപ്രദേശ് സ്വദേശിയായ 23കാരനുമാണ് കൊളത്തൂർ പൊലീസിൻ്റെ പിടിയിലായത്.
പൊലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ, കോടതിയിൽ അഡ്വാൻസ് സെർച്ച് മെമ്മോറാണ്ടം സമർപ്പിച്ച ശേഷം മൊബൈൽ നമ്പറിന്റെ ടവർ ലൊക്കേഷൻ പിന്തുടർന്നാണ് സംഘം യുവാക്കളുടെ അടുത്തെത്തിയത്. മൊബൈൽ ഫോണുകളും സിമ്മുകളും പൊലീസ് കസ്റ്റഡിയിലെടുത്ത് ഇരുവരുടെയും പേരിൽ കേസ് രജിസ്റ്റർ ചെയ്തു.
