തെഞ്ചേരി വാർഡിൽ വിവിധ പദ്ധതികൾ ഉദ്ഘാടനം ചെയ്തു

ഊർങ്ങാട്ടീരി ഗ്രാമ പഞ്ചായത്ത് ജനകീയാസൂത്രണം 2022 – 23, 2023 – 24 പദ്ധതിയിൽ ഉൾപ്പെടുത്തി പണി പൂർത്തീകരിച്ച തെഞ്ചേരി പുതുക്കുളം റോഡ് കോൺക്രീറ്റ്, തെഞ്ചേരി നിയാസ് റോഡ് കോൺക്രീറ്റ്, പുത്തൻ പുരക്കൽ കോളനി കിണർ

പി വി അബ്ദുൽ വഹാബ് MP യുടെ വികസന ഫണ്ട് ഉപയോഗിച്ച് കോൺക്രീറ്റ് ചെയ്ത പുത്തൻ പുരക്കൽ കോളനി റോഡ് എന്നിവയുടെ ഉദ്ഘാടനം ഊർങ്ങാടീരി ഗ്രാമ പഞ്ചായത്ത് പ്രസിഡണ്ട് ജിഷ സി വാസു നിർവഹിച്ചു. വാർഡ് മെമ്പർ ഹസ്നത്ത് കുഞ്ഞാണി അധ്യക്ഷത വഹിച്ചു. മലപ്പുറം ജില്ലാ പഞ്ചായത്തിന്റെ വർഷിക പദ്ധതിൽ പെട്ട തെഞ്ചേരി അങ്കണവാടി പുനരുദ്ധാരണത്തിന്റെ പ്രവർത്തി ഉദ്ഘാടനം ജില്ലാ പഞ്ചായത്ത് മെമ്പർ റൈഹാനത്ത് കുറുമാടൻ നിർവഹിച്ചു. പഞ്ചായത്ത് പ്രസിഡണ്ട് ജിഷ സി അധ്യക്ഷത വഹിച്ചു.
പഞ്ചായത്ത് വൈസ് പ്രസിഡണ്ട് ഷിജോ ആന്റണി മുഖ്യഥിതിയായിരുന്നു. വാർഡ് മെമ്പർമാരായ കെ രായിൻ കുട്ടി, ടി അനുരൂപ്, പൊതുപ്രവർത്തകരായ പി.കെ അബ്ദുള്ള , സി അബ്ദുള്ള, ഇ.കെ അബ്ദുൽ ഹക്കീം, എൻ സി ഖത്താബ് , കെ.ടി ഷറഫുദ്ധീൻ , വി മനീഷ്, കെ.കെ കുഞ്ഞാണി , എ കെ സക്കീർ ,ടി ഹബീബ് റഹ്മാൻ , നാരായണൻ കുട്ടി കെ.ടി , ഇ.കെ കുഞ്ഞാപ്പ , ടി വി അബൂബക്കർ . മുർഷിദ് ഇ കെ, സി പി സഫറുള്ള, അംങ്കണവാടി വർക്കർ ഫാത്തിമക്കുട്ടി തുടങ്ങിയവർ സംബന്ധിച്ചു.

Various projects were inaugurated in Tencheri Ward